කසාදය

පෙරදා වගේමයි ඔය දැස නිදි බරයි
මත් මතින් පිරුණු සිත් චංචාලයි
රැගුම් රගන සුරලියන් ඔබ මතයි
පෙම් පහස නැති උනත් ඔබ දෙව් ලොව සැප විදි

සෝ සුසුම් ගලාවිත්  යහන මත තනි රකී
මා පියන් ගෙනත් දුන් කසාදය විසිර යයි
කසුලු බිදු මහා හඩින් මහා පොලව සිප ගනී
ඔබ නැතිව ගෙවුණු තව රැයක් පහන් වෙයි

දොර ලගට ඔබ ඇවිත් මා හඩින් අවදි වෙයි
"අදත් මට වැඩ ගොඩයි" සෝසුසුම් මත ඔබ වැටෙයි
ඔබ දුන්නු ආදර කුස තුල වැඩෙයි
මා කිවූ වදන් පෙළ නොඇසුනු ඔබ නිදයි